Gesaltza Caicedo-Yuso Aintzira

Gesaltza Añanatik aterako gara; Villaconesko Andre Mariaren eliza izango da abiapuntua. Eliza inguratu ondoren, La Muera ibaira jaitsiko gara, eta zurezko oholez egindako zubi batetik

• 1. zeharkatuko dugu. Mendi bide zabal batean gora ekingo diogu, eta, hartara, gatz soroak inguratzen dituen alanbre hesiaren ondotik egingo dugu ibilbidearen aurreneko zatia
• 2. Lehenengo bidegurutzea topatuko dugu. Eskuineko bideari segituko diogu; eta ezkerrekoari hurrengo bi bidegurutzeetan. Gutxi gorabehera 0,5 kilometro aurrerago, hurrengo bidegurutzean, bat-batean eskuinera egingo dugu (bestela, San Joan Akrekoaren monasteriora inguratuko ginateke)
• 3. Gorantz egingo dugu, hegoalderantz, zoladura ona duen mendi bide batera iritsi arte. Berehala, beti lehor dagoen erreka bat zeharkatuko dugu. Ia kilometro batez zuzen jarraituko dugu, beste bidegurutze bat topatu arte. Ezkerrekoa hartuko dugu (eskuinekoak abiapuntura eramango gintuzke atzera)
• 4. Pixka bat behera egingo dugu, gure bidearen perpendikularra den beste bide batera heldu arte. Hor, zuzen jarraituko dugu, artadi batean sartzen den lurrezko bidezidor bati segika. Caicedo-Yusoko aintzirara eramango gaitu. Aintzira inguratu eta landatutako lur batera iristen da; ibilbidea bizikletaz eginez gero, ez egin bidearen zati hori, baizik eta jarraitu ezkerreko bideari (horrek ere aintzirara eramango zaitu)
• 5. Aintziraren bazterretik oinez segituz, nekazaritzako bide batera helduko gara. Aintzira elikatzen duen ibaia zeharkatuta, ezkerrera egingo dugu, eskualde errepide batetik
• 6. Ehunka metro batzuk aurrerago, eskuineko bidea hartu, Aintzirako Andre Mariaren ermitara joateko. Ermita bisitatu eta gero, atzean utzi eta aurrera jarraituko dugu
• 7. Gutxi gora behera 600 metro egindakoan, bidegurutze bat topatuko dugu. Eskuinera segituko dugu, eta joaneko bidetik itzuliko gara 2 bat kilometroz
• 8. Eskuineko bidea hartuta, san Joan Akrekoaren monasteriora joko dugu
• 9. Handik, 600 metro baino gehixeago besterik ez dugu falta abiapuntura itzultzeko.